«Լազարյան Դպրատուն» կենտրոնն առաջարկում է հայերենի, ռուսերենի, օտար լեզուների կարճատև և երկարատև դասընթացներ, ինչպես նաև հայկական քաղաքակրթության դասընթացներ` հայոց լեզվի իմացության միջինից բարձր մակարդակ ունեցող ուսանողների համար:
Դասընթացները վարում են փորձառու և բարձր որակավորում ունեցող մասնագետներ` հատուկ ձեռնարկներով և մեթոդներով: Դասերն անցկացվում են ժամանակակից սարքավորումներով հագեցած հարմարավետ լսարաններում: Անհրաժեշտության դեպքում դասընթացները կարող են կազմակերպվել նաև պատվիրատուի հաստատությունում: Մեր կենտրոնը կազմակերպում է ինչպես խմբակային, այնպես էլ անհատական դասընթացներ: Խումբը բաղկացած է 3-6 ուսանողից:
Դասընթացներն ուղղված են այնպիսի լեզվական ունակությունների զարգացմանն, ինչպիսիք են` հնչերանգ, քերականություն, ընթերցանություն, բանավոր և գրավոր խոսք:
Որպես լավագույն տարբերակ մենք առաջարկում ենք շաբաթական 3 պարապմունք 1.5-3 ժամ տևողությամբ` կախված խմբի ուսանողների քանակից: Դասընթացների ժամանակ կիրառվում են ձայներիզներ, տեսաերիզներ, որոնք օգնում են ամրապնդելու ուսանողների լեզվական հմտությունները: