Հայաստանի Հանրապետությունը լեռնային երկիր է, որը գտնվում է Հարավային Կովկասում:
Այն ԱՊՀ կազմում է եւ զբաղեցնում է 29.800 քառ.կմ, ունի մոտ 3 000 000 բնակչություն:
Հայաստանի մայրաքաղաք Երեւանի բնակչությունը 1,2 միլիոն է: Հայաստանը նախագահական Հանրապետություն է, որի օրենսդիր մարմինը Ազգային ժողովն է:
Հայաստանի կրոնը քրիստոնեությունն է, եկեղեցին` Հայ առաքելական:
Պետական լեզուն հայերենն է, որով խոսում է բնակչության բացարձակ մեծամասնությունը:
Հայերը կազմում են բնակչության 97%-ը, 3 %-ը եզդիներ, քրդեր, ռուսներ եւ այլ ազգություններ են:
Հայաստանի ազգային արժույթը դրամն է, որը շրջանառության մեջ է մտցվել 1993 թվականի նոյեմբերից:
Հայ ժողովրդի արմատները գալիս են խոր հնադարից: Հայերի հայրենիքը` Հայկական լեռնաշխարհը, թույլ տվեց հայերին ապրել եւ գործել հարեւան ժողովուրդների` շումերների, խեթերի, ասորիների, պարսիկների եւ հույների հետ մեկտեղ:
Ամբողջ պատմության ընթացքում հայերը ստեղծել են ինքնատիպ մշակութային ժառանգություն` ներկայացված ճարտարապետական եկեղեցիներով, մանրանկարչությամբ, հարուստ բնագրերով եւ գրականությամբ: Նշենք նաեւ, որ 301 թվականին առաջինը Հայաստանը ընդունեց քրիստոնեությունը եւ գոյատեւեց մինչ այսօր` չնայած մազդեիզմի, իսլամի եւ կոմունիզմի ճնշմանը:
Այսօր հայերենով խոսում են ավելի քան 7.000.000 հայեր: Հայերենի ինքնատիպ այբուբենը, որը ստեղծվել է 1600 տարի առաջ, թույլ է տալիս ներթափանցել հայ ժողովրդի պատմության եւ մշակույթի խորքերը:
|
